ಮರೆತೆವಲ್ಲ  ಎಲ್ಲವನು ನಾವೆ ಮರೆತೆವಲ್ಲ
ಸ್ವಾರ್ಥದ ಬಾಳ್ ಗಾಗಿ ನಾವು ಎಲ್ಲ ಮರೆತವಲ್ಲ

ಸ್ವಂತ ಸುಖದ ಆಶೆ ಬರಿದೆ ಹೆಚ್ಚಾಯಿತಲ್ಲ
ಅತಿಯಾದ ಗಳಿಕೆ ಮೋಹ ನಚ್ಚಾಯಿತಲ್ಲ
ಅದಕೇ ಋಜುಮಾರ್ಗ ರುಚಿಸದಾಯಿತಲ್ಲ
ರಾಷ್ಟ್ರದ ಘನ. ಗೌರವವೇ ಮಣ್ಣಾಯಿತಲ್ಲ

 ರಾಷ್ಟ್ರವನು ಪರರದಾಸ್ಯ ಶೃಂಖಲೆಗಳಿಂದ
ಮುಕ್ತಗೈಯಲೆಂದು ತಳೆದು ಧ್ಯೇಯವೊಂದ
ಅದಕೆ ಸಿದ್ಧ ಬದ್ಧವಾದ ದೇಶಭಕ್ತ ವೃಂದ
ಎಲ್ಲ ಮರೆತೆವಲ್ಲಾ ನಾವೆಲ್ಲ ಮರೆತೆವಲ್ಲಾ

ರಾಷ್ಟ್ರವೆ ತಾನೆಂಬ ಭಾವ ತಳೆಯೆ ರಾಷ್ಟ್ರಕ
ನರ ರುಧಿರದಲೆಲ್ಲ ಹರಡೆ ಈ ಭಾವ ವ್ಯಾಪಕ
ಹೋರಾಡಿ ಮಡಿದವರ ಕಥೆಯಾಗೆ ಪ್ರೇರಕ
ಶಕ್ತರಾಷ್ಟ್ರ ನಿರ್ಮಾಣವೆ ಆಗ ಮೂಲ ಕಾಯಕ